منتديات شباب وصبايا سوريا
عزيزي الزائر يتوجب عليك التسجيل في المنتدى من أجل التمتع بكاة مزايا الأعضاء
وشكراً لزيارتكم

منتديات شباب وصبايا سوريا

منتديات شباب وصبايا سوريا
 
س .و .جس .و .ج  بحـثبحـث  التسجيلالتسجيل  المجموعاتالمجموعات  دخولدخول  الرئيسيةالرئيسية  

شاطر | 
 

 قاموس شامي قديم

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
بريق الشام
عضو نااااار
عضو نااااار


انثى
عدد الرسائل : 343
التقييم : 3018
تاريخ التسجيل : 18/08/2010

مُساهمةموضوع: قاموس شامي قديم   الإثنين سبتمبر 06, 2010 4:41 pm

السلام عليكم


حبيت جيبلكون هالقاموس يلي بنعد فلكلور لأنو كل منطقه بسوريا بتحكي شكل


ومشان هيك رح نشوف أهل الشام اليوم كيف بيحكو






[center]دشرو : يعني حل عنو.
ماني غضران : يعني لست بقادر (وهي بالميداني)
يوه تشكلو آسي : يوه مفرده ياتي شرحها لاحقاَ .
تشكلو آسي (بعيد الشر) تعبير يفيد شدة حب المتكلم للمتكلم عنه ....
الواه الواه :تعبير نسائي قح يفيد التمسخر على شيء ما.
معبا بنطرون : يعني واحد أجدب وجاية يحكي .
ولا : آداة تستخدم في النهر والشتم.
وخنان : مسبة مانها ظريفة بس وضعت للضرورةاللغوية.
دشرني : أي حل عني ... وحل عني يعمي أتركني بحالي.
أيدي بزنارك : تعبير يستخدم للتعبير عن الرجاء .
دخيل الله : أيضاَ تعبير والمقصود به هو الآستغائة بالله.
شعره متل الشوشة : أي أن شعره منفوش ومنكوش.
وضراب السخن : وهي مسبة..وتعني .... مابعرف مسبة وبس.
يوه الواه الواه : مفردة شهيرة جدأ عند النساء وتفيد الأوية.
كوكش : يعيني يفتش.
بحبش : ايضاً مفردة تعني البحث مع التمحيص.
ينمحق : ويعني ينضرب على قامتو .. يسطفل.
يبعتلو حمى : أي تصيبه حمى ويمرض.
يتحورق : متل يبعتلو حمى.
يتقوص : بنفس المعنى.
يتأمع : كمان هيك شي.
عود يقعد رزك : يعني خيلتنا حاجة تحوص.
والمعنى الأدق: يقعد رزك يعني تموت والناس ياكلو رز.. لانو من المعروف عندما يموت حدى بتصير عزيمة وبيطعمو الناس أوزي على روح الميت والأوزي آكله معروفة بالشام.
وين غاطط : وين مو مبين.
والسبع تنعام : يعني النا الشرف.
حيط بياخذو وحيط بيجيو : تقال للي بيسكر من كتر الترنح.
مابيعرف الخمسة من الطمسه :
عن الرجل اللي ماعندو ثقافة.


سري مري : عاللي بيخفق برات البيت.
شندي بندي : للي بيحكي بلا طعمه شروي غروي.
فايت بالحيط – طاقق الفيوز : للدلالة على انو ماعم يلاقى كلمة مناسبة.
مجنط : مفلس ولا قرش.
كحته : أيدو ماسكه .. بخيل.
شاطط ماطط : يعني مدلع زيادة.
نعيان : يعني قلبو بارد.
نايط = نعيان = بارد
شاضومه : بنت مجلوئة .. يعني كيف بدي الكن .... قليلة أدب ومصبينه.
شحاطة : مايلبسه المرء في قدمه عندما يكون في المنزل.
تعسيله : نومة بعض الظهر.
مسرسبة : يعني بتحب النظافة كتير.
أسسييع أوعى الزيت : بمعنى وسع وفسح طريق.
أغيييييى : هي للأقبضايات وبس.
تأكلو الدودة العميا : يعني الواحد يموت وياكله الدود بعيد الشر.
يبعتلو اتلو شو سمج : كمان يعني يموت وسمج يعني غليظ..
موسوس : مهووس بشغله.
عقلو جوزتين بخرج : يعني عقله صغير.
متل الأطرش بالزفة : يعني مالو علاقة بالموضوع.
حاج تحوص وتلوص : يعني حاجة تفتل وتدور.
شوية لرخار : بعد شوي.
بنت عمي : يعني مرتو وطبعاً بالعكس.

مع ملاحظة قرائة كل حرف ((ق)) ((أ))
مثال ((تمحق)) ((تمحأ))
وهذه كلمات متداولة فقط عند أهل الشام الأصليين




اوعى اوعي : تستخدم عند ركوب الدراجة في مناطق مزدحمةوتعني انتبه
وافسح مجال لو سمحت



مقضي لمصدي: يعني رجال مخضرم ذو خبرة

دشرو: يعني حل عنوا

لواه الواه: تعبير نسائي قح يقيد التمسخر على شيء ما


معبا بنطلون: يعني واحد أجدب *ايدي بزنارك : تعبير يستخدم للتعبير


عن الرجاء *دخيل الله : أيضاً تعبير و المقصود به هو الإستغاثه



متل الشوشة باللهشعر: أي ان شعره منفوش و منكوش

وضراب السخن : وهي مسبة وتعني ............. ما بعرف بس مسبة



كوكش : يعني يفتش بحبش : أيضاً مفردة تعني البحث مع التمحيص


بنمحئ : ويعني ينضرب على قامتو...يسطفل


يتحورق : كمان متل يبعتلو حمى

عود يقعد رزك : يعني خيلتنا حاجة تحوص

وين غاطط : يا عمي وينك مو مبين

والسبع تنعام : يعني إلنا الشرف

ما بيعرف الخمسة من الطمسة : عن الرجل يلي ما عندو ثقافة

سري مري : عللي بيخفق برات البيت لسا رايح سري مري


شروي غروي – أو شندي بندي : عالحكي يلي بلا طعمة



مجنط – فايت بالحيط – طاقق الفيوز : كلهم للدلالة على انو واحد

مجنط مو ركـــــــــاز يعني مامعو مصاري يعني بتنقال ع كلشي مو خرج




*مأنشح كحتة وبحب الشحتة – ايدو ماسكة على البخل ......



شاطط وماطط : يعني
مدلع زيادة
ان شا الله يعجبكن القاموس
[/center]
الرجوع الى أعلى الصفحة اذهب الى الأسفل
كاترين
عضو نااااار
عضو نااااار


انثى
عدد الرسائل : 426
العمر : 22
البلد : سوريا
التقييم : 2886
تاريخ التسجيل : 29/07/2010

مُساهمةموضوع: رد: قاموس شامي قديم   السبت سبتمبر 18, 2010 9:08 pm

موضوع كتير حلو

اصلا دائما الحكي الشامي

ما في احلى منو بجنن

الله يعطيكي العافيه
الرجوع الى أعلى الصفحة اذهب الى الأسفل
بريق الشام
عضو نااااار
عضو نااااار


انثى
عدد الرسائل : 343
التقييم : 3018
تاريخ التسجيل : 18/08/2010

مُساهمةموضوع: رد: قاموس شامي قديم   الأحد سبتمبر 19, 2010 3:29 pm

شكرا حبيبتي على تعليقلتك الدائمة على مساهماتي
الرجوع الى أعلى الصفحة اذهب الى الأسفل
 
قاموس شامي قديم
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات شباب وصبايا سوريا :: شامنا بعيونا :: كواليس المجتمع-
انتقل الى: