باب الحارة الجزء 21

بعد كثرة الأجزاء أقدم لكم وقبل مؤلف المسلسل بســـام الملا أحداث الجزء الواحد والعشرين


معتز صار يمشي بالمقلوب من كتر ما هو زكرت وبيشتري هيونداي أفانتي اتوماتيك بالتقسيط مشان يشفط بالحارة .

أبو غالب صار يبيع بطاقات شحن للموبايلات سيريتل وأريبا ويصيح "الصبح اشتروك وعالسهرة خلصوك" .

عصام بيكمل دكتوراه طب وبيشتغل بمستشفى الضبع وبعد الدوام بيفتح كوافير نسواني .

أبو النار بروح يعمل شوية عمليات تجميل حتى يشيل تشطيبات أبوشهاب من على وجهه وبيفتح ورشة طورنجي وحدادة .

أبو حاتم بيفتح بدال القهوة إنترنت كافيه و بيفتح جنبها صالة بلياردو.

كل نسوان الحارة بيكبوا الببور الأخرس وبيجيبوا فرن وتار .


أبو بشير بيقلب المخبز تبعه آلي و بيفتح جنبه مطعم معجنات شامية و شاورما مع مناقيش لبنانية.

فريال بتتعرف على واحد من حارة الماوي عالأنترنت(عالتشات) وبيحبوا بعض والعرس بالجزء القادم .

أبو شهاب بينكمش عم يهرب شاشات سامسونج وبينحط بسجن تدمر 15 سنة وبيعمل تاتو على كتفوا وبيكتب الشام شامك ولو الزمن ضامك .

أبو حسن بيشتري 50 موتور سنفور مشان يعطيون لشباب الحارة لتحرير أبو شهاب

ان شا الله تعجبكن هل النهاية

وبريق الشام صارت الكاتبة وبتكمل الأجزاء شكرا على خفة الدم
بس الحقيقة أن جميع المسلسلات صارت قصتها مكشوفة.

يسلموا على التعليق على مساهمتي
الله يعطيك العافية
مشكور

هي عنجد شغلة حلو لولا انو الخامس هو الاخير

هه

شغلة كتير حلوة وياريت تصير