حلمك للرشاقة بفترة قصيرة

كيفكون يا غوالي ...
انا بنت جديدة هوون
و نزلت هالموضوع هاد كرمال التشجيع الي و للي بحب يشارك معي ...
طبعا تلت ارباع الشباب و الصبايا (و خصوصا الصبايا) بعانو من الوزن الزائد
يعني اي زيادة بالدهون هون او هون تفشكل الجسم كلو و بلش القلق و الهم حتى ننزل هالوزن الاهبل هههه
بس الشباب نيالون فورا بيحرقو السعرات بأقل نشاط غيرنا نحنا
المهم مارح طول عليكون الموضوع و رح ادخل بالمهم ...
هاد الموضوع بس للي حاب/ة تصير رشيقة
وكل يوم رح نكتب شوو شو أكلنا وشو شربنا و أدي لعبنا رياضة
بس قبل كل حدا حاب يشارك يكتب الاسم العمر الوزن الطول و الوزن المطلوب
منبدا معي انا ..
الاسم : لانا
العمر :20
الوزن :75كغ للأسف
الطول:160سم
باختصار عندي15كيلو زيادة بس انا بدي اخسر20 كيلو من غير شر يارب
الوزن المطلوب55كغ
برنامجنا رح يكون كالتالي ..
ابتداء من بكرا ..يوم الجمعة تاريخ 29/1/2016
رح يبدا مشوارنا على بركة الله ^_*
برنامجنا هوي سهل و حلو
يوم صيام يوم أكل
يعني يوم بتصومي فيه اذا حبيتي ع الماء فقط
او ع شوربةالخضار او فواكه
من ناحيتي رح صوم ع الماء فقط و ممكن اكول فاكهة
واليوم اللي بعد يوم الصيام و المعاناة هههه بيجي يوم الفرج ... بتاكلي فيه ع كيفك شو ما حبيتي بس بشرطين : ماتاكلي بعد ما تشبعي يعني بس تشبعي خلص وقفي الاكل لان الااكل مانو طاير هههه
وكمان الشرط التاني انك ما توقفي أكلك باليوم المفتوح عند الساعه6
برنامجنا صار يوم قسري و يوم فري (اكل لحد الشبع قبل السادسة مساء)
من بكرا رح نبدا انشالله و كل اسبوع منكتب أديش خسرنا بسدق و أي حدا بخالف ولو مرة بس
منقلو كش كش هههه طلاع لبرا وراح عليه الاشتراك بخطتنا للوصول لعالم الرشاقة الرائع

و بالمناسبة حبيباتي عم قدم امتحان بهالفترة فادعولي امانة
عيني ربكون احلاااا عاااالم